Pam dod i’r digwyddiad – Y Sector Preifat

Procurex Cymru 2020 yw digwyddiad caffael mwyaf Cymru ac mae’n dod â sefydliadau allweddol ynghyd o bob rhan o’r farchnad gaffael gwerth £6 biliwn, a hynny am ddiwrnod o arloesi, cydweithio a dysgu.

Mae mynediad cyflenwyr at gontractau sector cyhoeddus gyda phrosesau caffael Llywodraeth Cymru eisoes wedi arwain at well adnoddau a gwybodaeth caffael – sy’n hanfodol i fusnesau fel eich un chi sy’n dymuno cyflwyno eich cynnyrch, eich gwasanaethau a’ch atebion yn uniongyrchol i ddeiliaid cyllidebau a phobl sy’n gwneud penderfyniadau yn y sector cyhoeddus.

Un o’r themâu parhaus ym marchnad y sector cyhoeddus heddiw yw’r angen i sicrhau gwell gwerth am arian drwy gaffael ‘mwy clyfar’. Felly, mae Procurex Cymru 2020 wedi’i ddylunio’n benodol i helpu cymunedau prynwyr a chyflenwyr i ateb heriau effeithlonrwydd heddiw a’r dyfodol, yn ogystal â gwella sgiliau a galluoedd yn gyffredinol.

Gall atebion busnes arloesol a chlyfar, wedi’u darparu’n effeithlon, eich helpu i ennill contractau yn y sector cyhoeddus – contractau sy’n sicrhau incwm rheolaidd i’ch cwmni ac yn sbarduno twf busnes cynaliadwy.

Rhesymau Dros Ddod i’r Digwyddiad

Drwy ddod i Procurex Cymru 2020, fel cyflenwr, byddwch yn:

· Cyfarfod, rhwydweithio ac ymgysylltu â dros 1,000 o benderfynwyr allweddol o gymuned prynu sector cyhoeddus Cymru, gan gynnwys adrannau llywodraethau lleol a chanol, a gwasanaethau iechyd, addysg, tai, brys, a llawer mwy.

· Dysgwch gan gynrychiolwyr ym Mhafiliwn Caffael Llywodraeth Cymru sut mae dechrau cyflenwi nwyddau a gwasanaethau i’r sector cyhoeddus yng Nghymru.

· Manteisiwch i’r eithaf ar eich diwrnod ac ymweld â’r Parth Cymorth Cynigion, a fydd yn trafod materion fel y pethau i’w gwneud ac i beidio â’u gwneud wrth dendro, yn ogystal â newidiadau i weithdrefnau caffael

· Galwch heibio Barth Cefnogi Busnes Cymru a GwerthwchiGymru i ddysgu am fanteision defnyddio GwerthwchiGymru

· Dysgwch sut gallwch chi gyflenwi i GIG Cymru drwy ymweld â Phafiliwn Caffael NWSSP